تلقت مدونتي دعوة من الزميلة يونيك للاجابة على ما يسمي بتاج الصباغ و هو عبارة عن عدة اسئلة تشغل بال الرأي العام و المطلوب مني الاجابة علي هذه الاسئلة و فيما يلي نص الاسئلة و اجابتي لها و ان شاء الله هحاول اكون محايد في اجابتي
*************
س : هل توافق على حذف خانة الديانة من البطاقة الشخصية ؟
ج : اكيد لا طبعا ....... وبعدين اللي عاوز يشيلها بيقول كده ليه هو انا لو عاوز اعرف اللي قدامي ده مسلم و لا مسيحي هقوله طلع بطاقتك ما انا هعرف لوحدي
**************************
س : ما رأيك فى المثليين ؟ هل هى حرية شخصية ؟ هل توافق على الإعتراف بالمثليين ؟ هل لديك أصدقاء من المثليين ؟
ج : طبعا رايي في المثليين مش محتاج سؤال و يكفي انهما في النار بنص حديث الرسول الكريم صلي لله عليه و سلم " الفاعل و المفعول به في النار " و بالطبع كل واحد من حقه يعمل اللي هو عاوزه لانه في الاخر هيتحاسب علي ما يفعله يوم القيامة - و بالطبع لو كنا في دولة محترمة لكان هناك عقاب في الدنيا قبل عقاب الاخرة - و بالطبع لا اوافق علي الاعتراف بهم و الحمد لله ليس لدي اصدقاء مثليين
**************************
س : هل تعتقد بوجود إضطهاد للمسيحين فى مصر ؟
ج : بالطبع لا يوجد اضطهاد للمسيحين في مصر بل علي العكس هناك حرية شديدة جدا لهم اكثر من الحرية التي ينالها المسلمين انفسهم و الدليل علي ذلك الناس اللي بيتقبض عليها من المسلمين لما يلتزموا علي العكس فإن الذي يلتزم من المسيحين و يدخل في سلك التدين ينال معاملة خاصة
**************************
س : من هو الشخص الذى تختارة لرئاسة مصر ؟
ج : بصراحة السؤال حلو بس اللي مش حلو ان اي اجابة علي هذا السؤال في اي مدونة شوفتها هو حد يقدر يبني مصر من جديد و لكني كنت اريد ان اري اسماء بعينها و اجابتي علي هذا السؤال هو خيرت الشاطر
**************************
س : أذا قمت بتأسيس حزب سياسى .. من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الإنتخابات ؟ هل توافق على مشاركة كل من : الإخوان المسلمين - الأقباط فى الحكم ؟
ج : بالطبع اوافق عل مشاركة الاخوان المسلمين و الاقباط في الحزب و الاشخاص الذين اضمهم هم :خيرت الشاطر - عبد الوهاب المسيري - جورج اسحق - محمد مهدي عاكف - حمدي قنديل - عبد االحليم قنديل - عصام العريان - ايمن نور - بطرس غالي - احمد زويل -عبد المنعم ابو الفتوح - محمد سليم العوا - رجائي عطية - فهمي هويدي -زكريا عبد العزيز -عبد القادر عودة - محمد مرسي........................و هناك الكثير بس احنا نحكم و انا اجيبلكوا كل اللي انتوا عاوزينه
و طبعا مش هنسي السيد جمال مبارك و هعينه فراش في الحزب و السيد احمد عز و هعينه في قسم الحمامات و تكون مهنته تنظيف دورات المياه
**************************
س : فى رأيك الشخصى .. ما هى أفضل مدونة على بلوجر قمت بزيارتها ؟
ج : كل المدونات حلوة و استفدت منها بس بصراحة اكتر مدونة بحب اخشها هي اخف دم لان الواحد لما بيكون مخنوق بيحب يخش عليها عشان يفك علي نفسه شويةلانها بجد اخف دم
**************************
س : للذكور فقط : أيهما تفضل كزوجة .. إمراءه عاملة ، أم ربة منزل ؟
ج : انا عن نفسي اُفضل ربة منزل بس برضه الخيارات مش مقفولة قوي يعني ممكن اقبل ان تكون زوجتي عاملة بس بشروط معينة - اهمها انها متكونش متخرجة معايا من كلية التخطيط العمراني لانها هتكون متعودة علي القعدة برة البيت -
**************************
س : اذا تزوجت وأنجبت ولدين وبنتين .. أى الأسماء تحب أن تسمى ؟
ج : انا اصلا شكلي بسبب الحياة الغريبة اللي احنا عايشنها دي هاطلع عقيم عشان كده مش هفرض اي اسم لحد ما اتجوز ولو خلفت هفكر ساعتها
**************************
س : هل تعتقد أن توريث الحكم فى مصر . . سيتم فعلا أم لا ؟
ج : بالطبع لا لان مصر اكبر من ان تُورث و هذا لا يعني اني متفائل و لكن اعتقد ان التوريث صعب جدا
**************************
س : فى رأيك الشخصى : ماهو أفضل إنجاز لحكومة مبارك ؟ وما هو أسوأ عمل قامت به ؟
ج : بصراحة لازم ندي لكل واحد حقه حتي لو كنا ضده
اهم انجازات مبارك هي بناء الكباري و الكباريهات
اسوأ عمل هو قمع الحريه للشعب المصري
**************************
ثم لمن تمرر هذا التاج ؟
لاي حد عاوز يجاوب عليه
