دا انتوا ايامكو هتبقى سوده

دا انتوا ايامكو هتبقى سوده
نسمع هذه الكلمات كثيرا من ابائنا و امهاتنا كلما جاء الحديث عن الاحوال اللي زي الفل اللي احنا عايشين فيها في مصر المحروتة - اسف اقصد المحروسة -
......طيب و احنا ليه ايامنا هتبقي سودة - و زى الزفت كمان - فيكون الرد عشان الغلاء و البلاء والحكومات اللي زي الفل التي تتعاقب علينا تباعا والفساد المستشري في انحاء المحروتة - اسف لتاني مره اقصد المحروسة -
....طيب واحنا ليه منحاربش الفساد ده أو مبنعترضش عليه
اااااااااااااااه ....هنا بقى و تقف ليه .....لانه مينفعش تتكلم في السياسة و او تقول رأيك في اي حاجة او تعمل حاجة تبين بيها انك معارض للحكومة......طب ليه.....هو كده و خلاص
يعني....يعني هي ليه الناس مش فاهمة اننا اذا اردنا الحرية فلا لابد لها من ثمن
لماذا لا يفهمون ان الحريه لا تمنح
لماذا لا يستوعبون قول الله تبارك و تعالي" ام حسبتم ان تدخلوا الجنة و لما يأتكم مثل الذين خلوا من قبلكم مستهم البأساء و الضراء و زلزلوا حتي يقول الرسول و الذين امنوا معه متي نصر الله الا ان نصر الله قريب "
لماذا لا يريد ان يفهم ابائنا ذلك رغم انهم من المتعلمين و من حفظة القران

لماذا لا يفهمون ان ما اخذ بالقوة لا يسترد الا بالقوة

انا هنا لا ألوم ابائنا و امهاتنا و لكن ألوم شعب فضل ان يمشي جنب الحيط من ايام عبد الناصر

و دلوقت الموضة كمان ان احنا نمشي جوة الحيط مش جنب الحيط

نتمني ان تصل كل هذه المعني الي كل الناس و نعلم انه لن يصيبنا الا ما كتب الله لنا

و اذا لم يؤدي جهدنا و بذلنا الي شئ فيكفي اننا سنجد شيء نعتذر به الي الله يوم نلقاه

و السلام عليكم و رحمة الله و بركاته